|
|||||||||||
Accueil 
Toute personne mettant en application ces renseignements le fait à ses propres risques. Le site lesconseilsdupharmacien.info n'assume aucune responsabilité des dommages susceptibles de résulter de l'usage de ces renseignements. En particulier toute décision concernant un traitement médical devrait toujours se prendre en consultation avec un professionnel de la santé qualifié.
sources: http://perso.orange.fr/pharma.rocheville/
par Xavier Gouvert Mo 16:15-18:00 Le francoprovençal, cinquième
langue traditionnelle de la Suisse, est une
langue gallo-romane parlée par plus de
100 000 locuteurs sur le territoire de la France
(régions Rhône-Alpes et
Franche-Comté), de la Suisse (cantons
romands) et de l'Italie (Val d'Aoste,
Piémont, Pouilles). Ce n'est ni une
langue d'oïl, ni une langue d'oc, ni un
« mélange » de français
et de provençal, mais une entité
linguistique indépendante
présentant des affinités avec le
français, l'occitan et le romanche, ainsi
que des caractères particuliers. L'objet de ce cours est de présenter,
dans leurs grandes lignes, l'origine, l'histoire
et l'état actuel du
francoprovençal, sa dialectologie et sa
littérature, ainsi que les mesures
envisagées actuellement dans les trois
Etats pour permettre sa normalisation et
contribuer à sa reconnaissance
officielle. |
|
||||||||||
|
|
|
|
|
|
On Cientefìc : 
La formacion dl'apotequêr èt emportanta, per qu'èt a la croesilhe de deceplìnes prô variex que permètun d'rapondre a na vêre esigence de polivalence cientefìca. Lò diplòm d'Etâ de Doctôr apotequêr l'èt balhè aprex siex ans d'etuds, sancionax per na sotenence de tèse.
L'apotequêr d'ofecìna l'èt on cientefìc que dê conhêtre les defenicions, los caractèrs e l'environance des 3000 prencìps actios dla farmacopèia d'a present, avuec les 4500 especialitats e les 8500 presentacions. Tos los ans, e dê revêr lò champ d'ses conhêssences, en foncion des especialitats nuèves. Per qu'èt totjorn confrontâ au progrex cientefìc e a l'evolucion du metier, fau que l'apotequêr è dispòse de na formacion continuva e esemplara, per assiurar la granta calitat des actos farmaceutìcs que fê.
Marci a la formacion première e permanenta, l'apotequêr èt on vêr professionau dla santat.
Vuarant dla Santat publìca :
L'apotequêr e la delivrance des medecìnes :
Lò remèd è sònhe, è solège, è preven l‚'mau, è relonge l'tens de via, mês è puet aussi ben s'rovar na sustance dongerôsa. Per balher lò, fau l'assiurance e l'espertêse dl'apotequêr, lò sôlet vuarant dla bona delivrance des medecìnes.
L'apotequêr, na mission d'siuretat sanitêre :
L'apotequêr envuage sa pròpra responsablitat sur tòtes les prescricions medicales que dê verefiar. L'èt lò professionau dla santat qu'èt lò derrier anëo dla chèna des medecìnes, e que vuaranti l'malad contra la mala usance des especialitats que son prescrites. Tos los apotiquêrs departis sul terroèr nacionau l'an on ròl essencieo a jovar per la siuretat sanitêre : è son lò vêr relês entre los gens e los Ofitz chargex dla veilhe sanitêre. E transmètun d'avis preciôs e bòtun en place de manuèvres contra los produits que s'tròvun presentar on donger pel mondo. La calitat e la siuretat que l'apotequêr vuaranti son la vêre rêson du monopòl que s'consent a lui per la preparacion e la delivrance des medecìnes.
Autra mission dl'apotequêr :
L'apotequêr èt aussi ben on pedagòg : l'esplique la trêtance balhâ pel doctôr, è favorise l'observance dla terapeutìca pel pacient, l'avise l'mondo e è sa rassiurar lò, cant s'emèlhe o s'tracace per n'afêr de santat. Son avis s'requièr tant ben per rapondre rapidamen a d'afêrs d'santat benins e passagers, en fêt d'igièna e d'soens.
C'èt lò que sa aduir lò pacient devers los autros professionaus dla santat : los doctôrs de vila e d'opitau, l'enfermière, lò rebotôr...
L'apotequêr d'ofecìna l'èt on vêr praticen au servitz dla santat publìca.
La mêtrisa des cots d'santat :
L'apotequêr d'ofecìna, lò relês e lò parçonier dl'acion socièla :
De contrentes nuèves vènun changer la balance du sistèm de santat :
- les contrentes economìques : la necessitat d'lemitar los depens dla santat, sens per tant empeger lò libro esercitz des metiers dla santat.
- les contrentes socièles qu'esijun mês d'enformacion e de calitat d'servitz pel pacient, que l'èt venu on consomôr d'santat, dens l'environance socièla qu'èt fragileiâ per la crisa, avuec son cortèjo d'riscos sul avenir sanitêr des gens los mês esposax.
Devanç los enjuex colectios dla santat publìca, lò sistèm farmaceutìc francês l'èt fort per que fonde sa coherence sul idèia que l'apotequêr d'ofecìna l'èt personalamen responsablo.
L'Apotèca :
Mês de 22 000 apotèques en France (en meièna iona per 2500 abitans) formun na remarcabla malhura d'prossemitat, qu'èt mês densa que cèla des 17 000 ofitz postaus. Lò malhajo complet du terroèr nacionau è permet d'assiurar on servitz de vuarda e d'urgence 7 jors sur 7, 24 ôres sur 24, que vuaranti na vêre permanence des soens e du servitz farmaceutìc.
L'apotèca l'èt on luè d'encontres e d'echanjos :
Tos los ans mês d'on miliard de gens passun la porta de n'apotèca. L'apotequêr dê esercer sa mission dens lò respecto dla via e dla persona umana.
D'entre ses obligances, l'i en at que relèvun d'responsablitats socièles : la preservance necessêre du libro jugement professionau, l'emposseblitat d'reneier sa franchisa, lò scret professionau que s'empòse a lui e a sos colègs, l'obligance de s'devovar devers tòta persona que recor a lui, lò devêr d'secors a tòta persona en perïo, e puex l'concors qu'è balhe aus autoritats dens les acions fêtes per la protecion dla santat.
L'apotèca l'èt tant ben n'entreprêse :
L'i at pres de 50 000 apotequêrs titulêrs e assistans que travalhun en apotèca. Çto sectôr dla farmacia represente pas loen de 120 000 emplês calefiax.
Que l'apotequêr d'ofecìna l'esercesse en champanhe, dens na granta vila o ben atorn des viles, l'èt envesti de na responsablitat morala e socièla leiâ a la confiance que l'mondo acorde a lui.
E va ben delâ la responsablitat legala franc estricta qu'èt tant ben la sia.
retorn : lesconseilsdupharmacien.info 
retorn : Tot savêr
sul
apotèca.....retorn
: E d'autres chòses a
savê La mèma pagìna... en d'autres lengues (avuec lò grant marci aus traductôrs). Merci à Xavier Gouvert, le traducteur de cette page en franco-provencal. Son site Francoprovencia qui a hélas disparu du net, était une référence sur l'aire géographique de cette langue.
le métier de pharmacien en plusieurs langues ! ... JE RECHERCHE DES TRADUCTEURS !
