|
|||||||||
Accueil 
Toute personne mettant en application ces renseignements le fait à ses propres risques. Le site lesconseilsdupharmacien.info n'assume aucune responsabilité des dommages susceptibles de résulter de l'usage de ces renseignements. En particulier toute décision concernant un traitement médical devrait toujours se prendre en consultation avec un professionnel de la santé qualifié.
Avec tous mes remerciements à Alain Dawson qui a eu la gentillesse de traduire cette page en Picard |
|
||||||||
|
|
|
|
|
|
Un syintifike : 
Echl écolage dech formacyin i est important, parche i est al crojure ed dichiplinnes fin diférintes, qu'aveuc i sét réponde a unne vrèe exiginche ed polivalinche syintifike. In ercho ch' diplonme d'Etat ed docteus in formaçrie apré 6 innèes d'écolage qu'as s'définitte pach surportage d'unne tèse.
Ech formacyin d'formaçrie ch'est un syintifike qu'i dot connoite ches définicions, ches caractéristikes pi chl' invironnmint d'ches 3000 princhipes actius del formacopèe d'achteure, aveuc leus 4500 espécialtès formaceutikes pi leus 8500 perzintacions. Tous ls'ans, i dot rarcorder ses connichanches, raport a ches nouvièlés espécialtès. Toudi in fache dech pourgré syintifike pi dech défardièlmint d'esn estile, ech formacyin i dot erchuvoir un écolage tout-in-ouvrant qu'i seuche un exampe pour li savoir warandir el calitè toudi pu grande dechs akes formaceutikes qu'i fait.
Raport a sn'écolage qu'i ercho dvan d'ouvrer pi tout-in-ouvrant, ech formacyin ch'est un vré onme d'estile del santè.
Warant del Santè publike :
Ech formacyin pi ch'baillage ed drogues :
Ches drogues is soinntte, is algéritte, is impèktte d'ète crankeus, is ralongtte el vie, més is peutte étou ète des saquos dinjreus. Pou lsé bailler, i faut l'caucion pi chl' espertije dech formacyin, i n'a foke li qu'i sét warandir ech boin baillage ed ches drogues.
Ech formacyin, unne mission ed seurtè sannitère :
Ech formacyin i infute es prope responsaultè din tous ches prescrivages ed drogues qu'i dot miler. Li, ch'est chl' estilè del santè qu'i est ch'dérain anniau del cainne ed ches drogues, i warandit ch'crankeus conte un mécant siervage ed ches espécialtès qu'ales sont prescrites. Tous ches formacyins qu'is sont répardus such téro nacionna is ont un grand role a juer din l'seurtè sannitère : is sont unne vrée plake tornante inter ches gins pis ches Aginches kerkèes d' miler l'santè. Is balltte des rinsinnmints précieus pi is agimoltte des accions raport a ches produis qu'in s'rind conte qu'is sont dinjreus pou ches gins. El warandie d'calitè pi d'seurtè qu'ech formacyin qu'i balle, ch'est ch'vré solin dech molopoche qu'il ercho din chl' apertage pi ch'baillage ed ches drogues.
Unne aute mission dech formacyin :
Ech formacyin ch'est étou un pédagogue : i esplike ech traitmint qu'ech sérusyin qu'i prescrit, i favorije ech respé del térapeutike pach pacyint, i infourme ches gins pi i sét lzé rasseurer quan qu'is sont sésis a cause d'unne ruse aveuc el santè. In li dmande étou des consaus pou réponde abile a des tiotés ruses ed santè, d'igyinne o bin d'soinniage.
Ch'est li qu'i sét abuger ches pacyints amon dechs autes estilès del santè : ches sérusyins in vile pi a l'opita, ches infreumières, ches kinésitérapeutes...
Ech formacyin d'formaçrie, ch'est un vré praticyin ach sierviche del santè publike.
Atrimper chele coutanche del
santè :
Ech formacyin d'formaçrie, ch't un rlais pi un chochon dechl accion sociale:
Ni-a des neuvés contraintes qu'is vyintte canger chl'ékilibe dech sistinme ed santè :
- des contraintes écolonmikes : i faut déringuer ches coutanches ed santè, més i n'faut pon brichauder chele libertè d'ouvrer dechs estiles ed santè
- des contraintes sociales, qu'is veutte puke d'infourmacion pi d'calitè d'sierviche pou ches pacyints qu'is sont dévnus des consonmeus d'santè, din un contèske socia qu'el crise ale a rindu casuèl, aveuc unne flopèe d'dingés pou chl' avnir sanitaire ed ches gins les pu a-moute.
In fache dechs injus colectius del santè publike, el forche dech sistinme formaceutike francés ch'est qu'i abloke es cohérinche dzeur chele nocion d'responsaultè individuèle dech formacyin d'formaçrie.
Chele formaçrie :
Ni-a puke ed 22000 formaçrie in Franche (in moÿinne unne pou 2500 gins), cha fait unne arnitoile ed proximitè ermerkaule, core pu drute eque chele-la d'ches buriaus d'posse. Ech maillage tout-é-oute dech téro nacionna i rind possibe un sierviche ed warde pi d'urginche 7 jour su 7, 24 eures su 24, chou qu'i warandit unne vrèe permaninche dech soinniage pi dech sierviche formaceutike.
Chele formaçrie, ch't un indro pou ches rincontes pi ches écanges :
Tous ls'ans, ni-a puke qu'un millard ed gins qu'is pastte echl uche d'unne formaçrie. Ech formacyin i dot faire esn estile din ch' respèke del vie pi d'ches gins.
Inmi ss'obligacions, i n-n'a qu'is dépindtte ed ses responsaultès sociales ; i dot fourwarder l'libertè d'sin jujmint, i n'dot pon werpir esn indépindanche, i dot warder chl'escret pourfessionneus pou li pi pou ss' édieus, i dot ète dévouè pou tous ches gins qu'is s'abuchtte a li, i dot édier tous ches gins qu'is sont in périu, pi i dot édier ches autoritès din ches akes qu'is interprintte pou eusse fourwarder l'santè.
Chele formaçrie, ch'est étou unne interprinze :
Ni-a puke eque 50000 formacyins titulères pi d'édieus qu'is euvtte din ches formaçries. Ech secteu del formaçrie i erprésinte casi 120000 implos califiès.
Qu'i euvche din un vilage, din unne grande vile o bin din un fourbou, ech formacyin d'formaçrie i ercho unne responsaultè morale pi sociale qu'ale est loïèe al fiate eque ches gins qu'is ont a li.
Ale va gramint pu lon qu'el responsaultè loïale fin estrike qu'il a étou.
erpérier : acceuil 
.
